Agriculture budget 2026-27 Updates: કેન્દ્રીય નાણામંત્રી નિર્મલા સીતારમણે કેન્દ્રીય બજેટ 2026 માં ખેડૂતોની આવક વધારવા અને કૃષિને મજબૂત બનાવવા કૃષિ અને ખેડૂત કલ્યાણ માટે 5.4% ના વધારે 1.40 લાખ કરોડની ફાળવણી કરી. સરકારનો ધ્યેય ફક્ત અનાજ ઉત્પાદન પૂરતો મર્યાદિત નથી, પરંતુ કૃષિ સંબંધિત દરેક ક્ષેત્રને આગળ વધારવાનો છે. ખેડૂતોને ડેરી, મરઘાં, બાગાયત અને વિશેષ પાકો દ્વારા આવકની તકો વધારવામાં આવશે.
કેન્દ્રીય બજેટ 2026 માં એક મહત્વપૂર્ણ જાહેરાત હેઠળ દેશભરમાં 500 જળાશયો અને અમૃત સરોવરોને એકીકૃત કરીને મત્સ્યઉદ્યોગ ક્ષેત્રને મજબૂત બનાવવામાં આવશે. આ પગલાંથી દરિયાકાંઠા વિસ્તારોમાં માછીમારી વધુ મજબૂત બનશે. પશુપાલન ક્ષેત્રમાં ઉદ્યોગસાહસિકતા વિકાસ રોજગારની તકો પૂરી પાડશે. સાથે, માછીમારોને સ્ટાર્ટઅપ્સ, મહિલા સ્વસહાય જૂથો અને માછલી ખેડૂત ઉત્પાદક સંગઠનો (FPOs) દ્વારા બજાર સાથે સીધા જોડાવાની તક મળશે.
કેન્દ્રીય બજેટ 2026 માં ખેડૂતો માટે શું છે?
કેન્દ્રીય બજેટ 2026 માં નારિયળની ખેતી કરનારા માટે ગુડ ન્યુઝ.નારિયેળ ઉત્પાદનની સ્પર્ધાત્મકતા વધારવા માટે,નારિયેળ પ્રોત્સાહન યોજનાનો પ્રસ્તાવ મૂક્યો છે જેથી ઉત્પાદનમાં વધારો થાય અને ઉત્પાદકતામાં વધારો થાય, જેમાં મુખ્ય નારિયેળ ઉત્પાદક રાજ્યોમાં બિન-ઉત્પાદક વૃક્ષોને નવી જાતો અથવા રોપાઓથી બદલવાનો સમાવેશ થાય છે. કાચા કાજુ અને નારિયેળના ઉત્પાદન અને પ્રક્રિયામાં ભારતને આત્મનિર્ભર બનાવવા, નિકાસ સ્પર્ધાત્મકતા વધારવા અને 2030 સુધીમાં ભારતીય કાજુ અને કોકોને પ્રીમિયમ વૈશ્વિક બ્રાન્ડ્સમાં રૂપાંતરિત કરવા માટે ભારતીય કાજુ અને કોકો માટે એક સમર્પિત કાર્યક્રમનો પ્રસ્તાવ મૂકવામાં આવ્યો છે.
KCC લોન મર્યાદામાં વધારો
હાલમાં અંદાજે 7.7 કરોડ ખેડૂતો, માછીમારો અને ડેરી ખેડૂતો કિસાન ક્રેડિટ કાર્ડ (KCC) દ્વારા લોનની સુવિધાનો લાભ લઈ રહ્યા છે. વ્યાજ સબસિડી યોજના હેઠળ KCC લોનની મર્યાદા ₹3 લાખથી વધારીને ₹5 લાખ કરવામાં આવશે. આ નિર્ણયથી ખેડૂતોને વધુ નાણાકીય સહાય મળશે અને તેઓ પોતાના વ્યવસાયને વિસ્તારી શકશે.
દરિયાઈ ઉત્પાદનોને પ્રોત્સાહન
કેન્દ્રીય બજેટ 2026 માં આંતરરાષ્ટ્રીય સીફૂડ બજારમાં ભારતની સ્થિતિ વધુ મજબૂત બનાવવા માટે સરકાર દ્વારા મોટા રાહત પગલાં લેવામાં આવ્યા છે. ફ્રોઝન ફિશ પેસ્ટ (સુરીમી) પરની મૂળભૂત કસ્ટમ ડ્યુટી 30 ટકા પરથી ઘટાડીને 5 ટકા કરવામાં આવી છે. સાથે સાથે, માછલી અને ઝીંગાના ફીડમાં વપરાતા ફિશ હાઇડ્રોલાયસેટ પરની ડ્યુટી પણ 15 ટકાથી ઘટાડીને 5 ટકા કરવામાં આવી છે.
ભારતની સીફૂડ નિકાસને નવી દિશા
કેન્દ્રીય બજેટ 2026 માં માછલી ઉત્પાદન અને જળચરઉછેર ક્ષેત્રમાં ભારત વિશ્વમાં બીજા ક્રમે છે. હાલમાં ભારતમાંથી સીફૂડની નિકાસ અંદાજે ₹60,000 કરોડ સુધી પહોંચી છે. દરિયાઈ ક્ષેત્રની સંપૂર્ણ ક્ષમતા ઉપયોગમાં લેવા માટે સરકાર ભારતીય વિશિષ્ટ આર્થિક ક્ષેત્ર (EEZ) અને ખુલ્લા સમુદ્રોમાં માછીમારી સંસાધનોના કાર્યક્ષમ અને ટકાઉ ઉપયોગ માટે નવી પદ્ધતિઓ અમલમાં મૂકશે. ખાસ કરીને આંદામાન-નિકોબાર અને લક્ષદ્વીપ ટાપુઓ પર વિશેષ ધ્યાન કેન્દ્રિત કરવામાં આવશે.
ખેડૂતો માટે AI-સહાયિત ખેતી
કેન્દ્રીય બજેટ 2026 માં ખેડૂતોને AI-સહાયિત ખેતી પૂરી પાડવા માટે ભારત વિસ્તાર યોજનાની જાહેરાત કરવામાં આવી છે. દિવ્યાંગો માટે દિવ્યાંગજન કૌશલ યોજના શરૂ કરવામાં આવશે. આ યોજના હેઠળ દિવ્યાંગ વ્યક્તિઓને વ્યાવસાયિક બનવા માટે તાલીમ આપવામાં આવશે. દિવ્યાંગ સહારા યોજનાની પણ જાહેરાત કરવામાં આવી છે, જે કૃત્રિમ અંગો પૂરા પાડે છે.
ગુજરાતી કૃષિ સમાચાર અને સરકારી કૃષિ સમાચાર ના લાંબા અનુભવ સાથે ખેતીવાડી ન્યુઝ માહિતી પુરી પાડે છે.