ગુજરાત રવિ માર્કેટીંગ સીઝન 2026-27 અંતર્ગત ખેડૂતો પાસેથી બાજરી, જુવાર તથા મકાઈની ટેકાના ભાવે ખરીદી માટે રજીસ્ટ્રેશન અને તારીખ

લઘુત્તમ ટેકાના ભાવે બાજરી, જુવાર તથા મકાઈના વેચાણ કરવા ઇચ્છા ધરાવતા ખેડૂતોની ઓનલાઇન નોંધણી સમગ્ર રાજ્યમાં સ્થાનિકે ગ્રામ્ય કક્ષાએ VCE મારફતે તા. 01 થી 30 એપ્રિલ, 2026 સુધી કરવામાં આવશે. જેથી નોંધણી કરાવવા તમામ ખેડૂત મિત્રોને અપીલ કરવામાં આવી છે. ખેડૂત ખાતેદારોના બાયોમેટ્રીક ઓથેન્ટીકેશન દ્વારા નોંધણી કરવામાં આવશે જેની ખાસ નોંધ લેવી.

ટેકાના ભાવ ખરીદી પ્રક્રિયા

બાજરી, જુવાર તથા મકાઈની ખરીદી તા. 01 મે થી 15 જુલાઈ, 2026 સુધી કરવામાં આવશે. આ ખ્યાલ મુજબ, ખેડૂતોને એમએસએમ (SMS) દ્વારા ખરીદીની તારીખ અને સ્થળની જાણકારી આપીને, તે સમયે આઈડીને બાયોમેટ્રિક ઓથેન્ટિકેશન દ્વારા ઓળખવામાં આવશે.

ટેકાના ભાવ માટે જરૂરી દસ્તાવેજો

ખેડૂતોએ તેમની નોંધણી માટે નીચે જણાવેલા દસ્તાવેજો રજૂ કરવાના રહેશે:

1. આધાર કાર્ડની નકલ
2. અધ્યતન ગામ નમૂનો 7/12 અને 8/અ
3. પાકની વાવણીની એન્ટ્રી ન હોય તો, તલાટીના સહી-સિક્કાવાળો દાખલો
4. બેંક પાસબુકની ઝેરોક્સ નકલ અથવા કેન્સલ ચેક

ટેકાના ભાવ SMS માહિતી

ટેકાના ભાવે ખરીદી માટે રજીસ્ટ્રેશન કરાવેલ ખેડૂતોને SMS મારફતે ખરીદી અંગેની જાણ કરવામાં આવશે. ખરીદી સમયે ખેડૂતે પોતાનું આધારકાર્ડ/ઓળખપત્ર સાથે રાખવાનું રહેશે. ખેડૂત ખાતેદારના બાયોમેટ્રીક ઓથેન્ટીકેશન દ્વારા જ જથ્થો ખરીદી કરવામાં આવશે, જેની નોંધ લેવી. ડોક્યુમેન્ટની ચકાસણી દરમિયાન જો ખોટા ડોક્યુમેન્ટ અપલોડ કરાયા હોવાનું ધ્યાને આવશે તેવા કિસ્સામાં આપનો ક્રમ રદ થશે અને ખરીદી માટે આપને જાણ નહી કરવામાં આવે તેની ખેડૂત મિત્રોએ નોંધ લેવી.

ટેકાના ભાવ હેલ્પલાઈન નંબર

કોઈપણ પ્રશ્નો અને માહિતી માટે, ખેડૂતો માટે 8511171718 અને 8511171719 પર હેલ્પલાઈન નંબર ઉપલબ્ધ છે. આ સુવિધા દ્વારા ખેડૂતો કોઇપણ મુશ્કેલીનું સમાધાન મેળવી શકશે.