ગુજરાતમાં છેલ્લા કેટલાક દિવસથી ગરમીમાં રાહત મળ્યા બાદ હવે ધીમે-ધીમે ગરમીમાં ફરી વધારો થશે. જ્યારે આ મહિનાના અંતમાં સૌરાષ્ટ્ર-કચ્છ-ગુજરાતમાં છુટાછવાયા સ્થળોએ ફરી માવઠાની શક્યતા હોવાનું વેધર એનાલીસ્ટ શ્રી અશોકભાઈ પટેલે જણાવ્યું છે.
તેઓએ જણાવેલ કે સૌરાષ્ટ્ર, ગુજરાત અને કચ્છમાં ગરમીથી રાહત યથાવત છે. હાલ નોર્મલ મહત્તમ તાપમાન 37ડીગ્રી થી 38ડીગ્રી વચ્ચે ગણાય. જોકે, મોટાભાગના કેન્દ્રોમાં મહત્તમ તાપમાન નોર્મલ કરતાં 1ડીગ્રી થી 2ડીગ્રી ઓછું નોંધાઈ રહ્યું છે. વેધર એનાલીસ્ટ શ્રી અશોકભાઈ પટેલે જણાવ્યું છે કે બેક દિવસમાં મહત્તમ તાપમાન નોર્મલ તરફ વધીને ત્યારબાદ 25 થી 27 માર્ચ દરમિયાન નોર્મલ કરતાં આશરે 2ડીગ્રી વધુ થવાની શક્યતા છે.
અશોકભાઈ પટેલની આગાહી તા. 28 થી 29 માર્ચ દરમિયાન મહત્તમ તાપમાનમાં ફરીથી 1ડીગ્રી થી 2ડીગ્રી ઘટાડો થવાની શક્યતા છે, સાથે બપોર/સાંજના ભેજમાં વધારો થશે. માર્ચના છેલ્લા દિવસોમાં સૌરાષ્ટ્ર, ગુજરાત અને કચ્છમાં છૂટાછવાયા માવઠાની શક્યતા છે. ECMWF અને NOMAD GFS ના વરસાદના નકશા દ્વારા પરિસ્થિતિ પર સતત નજર રાખવામાં આવશે.
22 માર્ચ 2026ના ગુજરાતમાં તાપમાન અપડેટ
- રાજકોટ: 36.5°C (નોર્મલ કરતાં 1.0°C ઓછું)
- અમદાવાદ: 36.0°C (નોર્મલ કરતાં 1.2°C ઓછું)
- વડોદરા: 35.8°C (નોર્મલ કરતાં 2.0°C ઓછું)
- ડીસા: 35.3°C (નોર્મલ કરતાં 1.0°C ઓછું)
- ગાંધીનગર: 35.4°C (નોર્મલ કરતાં 3.0°C ઓછું)
- ભૂજ: 35.7°C (નોર્મલ કરતાં 1.0°C ઓછું)
ગુજરાત અને કચ્છ માટે વેધર એનાલીસ્ટ શ્રી અશોકભાઈ પટેલની આગાહી તા.23 થી 30 માર્ચ 2026 સુધીની આગાહી કરતાં જણાવે છે કે હાલ દિવસ દરમિયાન તાપમાન નોર્મલ કરતાં ઓછું ચાલી રહ્યું છે.
ગુજરાતમાં પવનની સ્થિતિ
કચ્છ અને દરિયાકાંઠાના સૌરાષ્ટ્ર વિસ્તારમાં પવનની ઝડપ આગામી દિવસોમાં 10–20 કિમી/કલાક રહેવાની શક્યતા છે. સમગ્ર વિસ્તારમાં 27થી 28 માર્ચ આસપાસ પવનની ઝડપ વધીને 15–25 કિમી/કલાક થઈ શકે છે, અને ઝાટકાઓ (gusts) 35 કિમી/કલાક સુધી પહોંચી શકે છે.
ગુજરાતમાં માવઠાની આગાહી
ગુજરાતની આસપાસના રાજ્યોમાં હવામાન પરિસ્થિતિ અવાર નવાર અસ્થિર રહેવાની શક્યતા છે. માર્ચના છેલ્લા દિવસોમાં ( અશોકભાઈ પટેલની આગાહી 29 થી 30 માર્ચ આસપાસ) સૌરાષ્ટ્ર, ગુજરાત અને કચ્છમાં છૂટાછવાયા માવઠાની શક્યતા છે. પરિસ્થિતિનું મૂલ્યાંકન ECMWF અને NOMAD GFS મોડલ્સ દ્વારા કરવામાં આવશે અને સમયાંતરે અપડેટ આપવામાં આવશે. સાવચેતી: સ્ટોર્મ કે હવામાન અંગે ની માહિતી માટે ભારતીય હવામાન ખાતા/ગવર્મેન્ટ ના બુલેટીન/સુચના પર નિર્ભર રહેવું.
ગુજરાત વેધરના નવીનતમ બ્લોગ લેખો. હવામાન નિષ્ણાંત અશોકભાઈ એમ. પટેલ દ્વારા પ્રકાશિત.