જરાતમાં અસહ્ય ઉકળાટ અને બફારા વચ્ચે હવે મેઘરાજાના સત્તાવાર આગમનની ઘડીઓ ગણાઈ રહી છે. દેશના હવામાન વિભાગ (IMD) ના સત્તાવાર બુલેટિનનો ઊંડો અભ્યાસ કરીને જાણીતા વેધર એનાલિસ્ટ અશોક પટેલની આગાહી જણાવે છે કે આગામી 4 થી 5 દિવસમાં ચોમાસું સમગ્ર ગુજરાતમાં સત્તાવાર રીતે બેસી જશે. એટલું જ નહીં, આગામી 1 થી 8 જુલાઈ 2026 દરમિયાન દક્ષિણપશ્ચિમ ચોમાસું ખૂબ જ ઝડપથી આગળ વધીને સૌરાષ્ટ્ર અને કચ્છ ઝોનમાં પણ પ્રવેશ કરશે.
1 થી 8 જુલાઈ અશોક પટેલની આગાહી
અશોક પટેલની આગાહી નોંધ લેતા જણાવ્યું છે કે આ આગાહીના સમયગાળા દરમિયાન સૌરાષ્ટ્ર અને કચ્છની સરખામણીએ ગુજરાત રિજિયન (મધ્ય, દક્ષિણ અને ઉત્તર ગુજરાત) ને વરસાદનો ખૂબ જ સારો અને મોટો લાભ મળશે. સમગ્ર રાજ્યમાં ખાસ કરીને 3 જુલાઈથી વરસાદનું પ્રમાણ અને તેનો વિસ્તાર (આવરણ) બંને નોંધપાત્ર રીતે વધી જશે, જેને પગલે ચોમાસું આખા રાજ્યને ધમરોળશે.
હાલની હવામાન સ્થિતિ અને સક્રિય સિસ્ટમો
હાલમાં ચોમાસાની ઉત્તર સીમા (NLM) સુરત, ઇન્દોર અને મંડલા પરથી પસાર થઈ રહી છે અને આગળ વધવા માટે સંપૂર્ણ સાનુકૂળ માહોલ અશોક પટેલની આગાહી મુજબ છે. હાલમાં સૌરાષ્ટ્રની ઉપર 3.1 કિ.મી.ની ઊંચાઈએ એક અપર એર સાયક્લોનિક સર્ક્યુલેશન (UAC) સક્રિય છે, જેની સાથે અન્ય બે સિસ્ટમો પણ જોડાશે.
ગુજરાત રિજિયનમાં ભારે વરસાદની શક્યતા
ગુજરાત રિજિયનમાં 3 જુલાઈથી વરસાદનો વિસ્તાર અને પ્રમાણ બંને વધશે. ઘણા વિસ્તારોમાં હળવાથી મધ્યમ અને એકાદ-બે દિવસ ભારેથી અતિ ભારે વરસાદ પડશે. અશોક પટેલની આગાહી દરમિયાન 40 થી 50 કિમી પ્રતિ કલાકની ઝડપે પવન પણ ફૂંકાશે. અંદાજ મુજબ 60% વિસ્તારોમાં 3 થી 6 ઇંચ (75 થી 150 મિ.મી.) વરસાદ પડી શકે છે, જ્યારે છૂટાછવાયા સ્થળોએ 250 મિ.મી.થી વધુ અતિ ભારે વરસાદ નોંધાઈ શકે છે.
ગુજરાત રિજિયન વરસાદી સંભાવના
- 10% વિસ્તાર: 25 મિ.મી. સુધી
- 30% વિસ્તાર: 25 થી 75 મિ.મી.
- 60% વિસ્તાર: 75 થી 150 મિ.મી., જ્યારે છૂટાછવાયા સ્થળોએ 250 મિ.મી.થી વધુ વરસાદ પડી શકે છે.
સૌરાષ્ટ્ર અને કચ્છમાં કેવી રહેશે વરસાદી સ્થિતિ?
સૌરાષ્ટ્ર અને કચ્છમાં સમગ્ર સમયગાળા દરમિયાન છૂટાછવાયો હળવોથી મધ્યમ વરસાદ ચાલુ રહેશે, જ્યારે એકાદ-બે દિવસ અમુક સ્થળોએ ભારે વરસાદ પણ પડી શકે છે. અશોક પટેલની આગાહી અનુસાર અહીં મોટાભાગના વિસ્તારોમાં 1 થી 3 ઇંચ અને કેટલાક કેન્દ્રોમાં 6 ઇંચ (150 મિ.મી.) સુધીનો વરસાદ નોંધાઈ શકે છે.
સૌરાષ્ટ્ર અને કચ્છ વરસાદી સંભાવના
- 25% વિસ્તાર: 25 મિ.મી. સુધી
- 50% વિસ્તાર: 25 થી 75 મિ.મી.
- 25% વિસ્તાર: 75 મિ.મી.થી વધુ, જ્યારે કેટલાક કેન્દ્રોમાં 150 મિ.મી.થી વધુ વરસાદ પડી શકે છે.
ખેડૂતોમાં ખુશી: વાવણી માટે અનુકૂળ સંકેતો
અશોક પટેલની આગાહી મુજબ આગામી 4 થી 5 દિવસમાં ચોમાસું બેસી જવાની અને 3 જુલાઈથી વ્યાપક વરસાદની આ આશાસ્પદ આગાહીને પગલે ખેડૂતોમાં ખુશીની લહેર દોડી ગઈ છે. વરસાદની શક્યતા વધતા હવે વાવણીના કાર્યો માટે ગણતરીના દિવસો બાકી રહ્યા હોવાના સંકેતો મળી રહ્યા છે.
ગુજરાત વેધરના નવીનતમ બ્લોગ લેખો. હવામાન નિષ્ણાંત અશોકભાઈ એમ. પટેલ દ્વારા પ્રકાશિત.